Wikipedia:Tutorial
Us der alemannische Wikipedia, der freie Dialäkt-Enzyklopedy
 |
Wikipedia-Tutorial |
|
|---|---|---|
| zruck | 1 | 2 | 3 | 4 | witer |
| Abkürzig: WP:TT |
Sali und härzlig willkomme bim Wikipedia-Tutorial, de Schritt-für-Schritt-Aleitig durch d Wikipedia!
D Wikipedia isch e Internet-Enzyklopädy, wo vo vyle Lüt zämme bearbeitet wird. Au du chasch dezüe bytrage. S Tutorial bstoht uss re Reihe vo einzelne Site und soll dir d Grundlage vermittle, dass dr bi de Wikipedia mitschaffe chasch.
Jedi vo denne Site beschribt e nützligs Merchmol vo de Wiki-Software, git Hilf zum Stil und Inhalt, informiert über d Wikipedia-Gmeinschaft oder über wichtigi Konventione in de Wikipedia.
Dodeby müesch im Chopf bhalte, dass des do e Churzaleitig isch und kei usgarbeiteti Beschrybig vo de Wikipedia-Regle oder vo allne möglige Fähigkeite vo de Software. Wenn dr dich für Details interessiersch, no findsch im ganze Tutorial Gleicher uff anderi Wikipedia-Site, wo usfiehrliger über d Theme vom Tutorial informiere. Niemerts zwingt dich, sälli azlüege, aber wenn dr wottsch, no chasch es gern mache. Am beste isch es, wenn dr si dodezüe i me Äxtrafänschter uffmachsch, dass dr in dem Tutorial blibsch.
Uff em Sandchaste git's usserdem Ruum, um dy neus Wüsse uszprobiere und z iebe. Kei Angscht - probier dört ruhig us, wie do alles funktioniert; niemerts wird hässig, wenn uff em Sandchaste e Experimänt schiefgoht. Also lüeg eifach emol, was es so alles git.
OK? Jetz fange mr a!
